¿Con qué xugamos?--> L'alumnáu del segundu ciclu ficieron los sos propios xuguetes utilzando: caxes de cartón, fundes de cedés (CD), rollos d'hixénicu, pintures, pegamentu, envases de lleche y de yogures, y dalguna qu'otra cosuca. Eso sí nun faltó l'ayuda de dalguna mano amiga y voluntariosa en casa, ¿non?

Nun me val la camiseta ¿qué faigo con ella?--> Pues entamar a coser. Pa qué tirar la ropa vieyo si la podemos reutilizar... Bolses pa guardar coses, funda pa la flauta... con botones incluíos. Dende terceru a sestu paecemos filanderos.

Manes al papel--> reciclaxe y elaboración de papel manualmente. Envede tirar tolo que tenemos al contenedor azul; vimos, vivimos y elaboramos el nuesu propiu papel.

Alba Muñiz Barrial- XINERU 2009

Comments

Suel representase como un ser d'aspeutu humanu mui feu: bocalón, enarcáu, dientes con grandes paletes y prietos, oreyes desabrochaes y güeyos rellumantes, a vegaes con barba y sombreru prietu.
Dizse que ye d’Exiptu, onde vive cola so familia nel altu un monte tapecíu pol borrín.

Esti ser viaxa coles ñubes y fai que descarguen rayos y xarazu qu'escentellen les tierres semaes. A vegaes tamién fai una borrina abondo espesa que fai que los pastores y vaqueiros piérdanse en monte.

Al Nuberu pue esconxuralu:
-un carru d’aviesu (del revés) o
-tocando les campanes d’ilesies y capilles.

Javier, Xineru 2009

Comments

Aunque nun ye peligrosa, si un vivu por error o despiste s’atopa con ella y los toca, sufrirá la muerte’l tamién. Nestos casos suel escuchase-y rechinar:

"andai de día, que la nuechi ye mía"

Cuando ronda cerca de las huertas diz:

"cuando yéramos vivos, andábemos a figos,
y agora que tamos muertos, andemos por estos güertos
¡andar, andar, hasta el tueru la figar!"

Pa defendese de la güestia hai varies opciones:
-había que facer un círculu nel suelu y metese nél.
-Hai que rodear tres veces a la güestia, en completu silenciu y al terminar la última, echase a llorar amargamente.
-A falta de lo anterior tamién vale salir poniendo pies en polvorosa.

Alejandro. Xineru 2009

Comments

Lleenda:
Según fala la leenda, onde hai un neñu gordu, un mozu robustu o una mujer trabayadora ya fuerte; entra pela nueite, pel suañu; y col únicu diente que tien, ábreles una arteria ya chupa’l so sangre con delicia.

“Nun hai obstáculo pa ella: ellí per onde pasa l’aire, pasará ella tamién”.

Aroa. Xineru 2009

Comments

El diañu vive nos bosques asustando a la xente. Ye un bromista.

Gústale facer travesuras nes cuadres y nes caleyes de los bosques, diviértele muncho gastar bromes pesaes y pa ello cambia la so apariencia, yá que tien el don de poder transfomase en cualquier animal ya incluso nun nenu pequeñu.

Hai una lleenda na que se cuenta:
Un día que llovía muncho una aldeana atopa llorando na caleya a un cabritu y lu lleva a casa, calentándolu nel llar mientres ella se cambia y dándole de comer. A lo que’l ingratu responde, escapando pola ventana y gritando con risa burllona:
"Ajajá, que comí sopes;
ajajá, que te les comí;
ajajá, que ví un culu;
ajajá, que te lu ví"

Carla. Xineru 2009

Comments

Tolos cursos pal amagüestu, búscase un tema relacionáu cola zona, cola dómina y que-yos resulte cercano a los neños y neñes; pa facer y trabayar na quincena del amagüestu.

Esti añu, fízose sobre los teitos, les brañes: L'ARTE DE TEITAR, acción que se fai nesa época del añu (na Seronda).
Amás de toles actividaes, llibretos, maquetes, feixes y tarees feches poles escolines y escolinos, armóse una espoción con llibros, revistes, figures, materiales y demás cosuques rellacionaes col tema que fuimos topando y mos fueron emprestando.

Queden prometíes semeyes d'ella, pa que podais disfrutales.

TEITOS--> Son les cabañes nes que se resguarden los ganaderos nes zones altes de les montañes de Somiéu. Son típiques d'equi (tamién hai dalguna en Teberga). La so principal característica ye que tien el techu d'ESCOBA (un arbustu que se da na zona).

ALBA MUÑIZ BARRIAL

Comments

Llevabemos una bona temporada entrenando, tanto con Pedro n’Educación Física, como con Hermes n’actividaes deportivas. Pero paez ser qu’el croos de Grao nun quier l.legar.

Diba ser el dia 28 de payares pero suspendióse por culpa la ñeve. Llueu decidieron facelu’l día 11 d’avientu, pero como paez qu’esti añu nun quier dexar de ñevar, tampoco se pudo.

Algún día l.legará, esperemos.

Alejandro Calzón Menéndez. 10 años

Comments

Les series y películes que más nos prestan son.

Series: Los simpsons, Amar en tiempos revueltos, Victoria, Yo soi Bea, Shin Chan, Física ya Química.

Películes: Cuchi, El castigu, El nenu del pixama de rayas, El coríu feu, Charlie ya la fábrica de chocolate, Yérase una vez un cuentu al reves, Sherk 2, Madagascar, Madagascar 2.

Javier Fernándes Bessa. 11 años.

Comments

El llunes non vinimos al colexu porque marchó la lluz ya facía muncho fríu. Tuvimos mui contentos porque pudimos enredar con tola ñeve qu'había caido.
El martes yá vinimos al colexu porque taba meyor (anque los compañeros de transporte nun pudieron baxar).
Güei yá ta quitándose la ñeve porque ta lloviendo.

El Puertu ta cerráu por la ñeve que cayó, solo había un carril pa pasar.
Nevó muncho nel Val.le, en Vil.lar de vildas ya en Valcárcel cayó una gran nevada tamién.

¡Esta selmana cayó la nevada que mas cubría dende fai tiempu! ¡El domingu nun paro de ñevar en tol día!

Carla Árias Alonso. 10 años.

Comments

El conceyu de Somiéu ta nel suroeste d'Asturies.

Dalgunos de los sos pueblos son: La Pola, El Val.le, El Puertu, La Riera, Santuyanu, Pigüeces, Vil.lar, Urría, Gua...

Ente los rios que nos conocemos tan: El Pigüeña, Pajarina, Las Oyas, El ríu Somiéu, El ríu d'Aguino, El Pigüeces, etc...

En breves atopareis crucigrama sobre la nuesa xeografía pa facer...

Aroa Alonso Alonso, 11 años.

Comments

El 20 de payares qu'ía'l día los derechos la infancia, fuimos venti escolinas ya escolinos cola maestra de música y la de l.lingua hasta Xixón a facer y participar nas actividaes qu'había na Laboral.

El viaxe fízose un poquiñín l.largu. Pero a la vuelta, como los guah.es y las guah.as de Balmonte venían tamién nel nuesu bus, ya teníemos que dexalos na so casa... Nós aprovechemos pa estirar las piernas ya mercar unas chucherías nel quioscu...

Asina de gustu viaxar!!

Una entruga pa que penseis y pensemos... ¿cuántos nenos ya nenas tienen la mesma suerte que nós y pueden dir a la escuela? ¿en tolos paises pueden dir o tienen que trabayar dende pequenos ya pequenas?

ALBA MUÑIZ BARRIAL

Comments

Voi a contavos lo que tamos preparando pal festival de Navidá del nuesu colexu, que va cellebrase'l día 19 d'avientu.

Los de 5º y 6º vamos facer xunto cola ESO,una canción que tamos preparando en música. Y una mini obra n'asturianu: los decoraos y los detalles de la ropa ta fecho por nos (la clas de Tócame Roque)

Los demás cursos tamién tan preparando obres, canciones y poemas pa recitar delantre les nueses families.

Amás tamién vendrá'l Principe Aliatar pa deseános Bona Navidá y pa que podamos dexa-y les nueses cartes.
ah!! rematamos el día coles notes... ye'l día que mos les dan...

Carla Arias Álvarez. 10 años

Comments

Voi esplicavos como son les clases, los alumnos y la xente que pasa pol nuesu colexu.

Ye un edififiu bastante grande, con 7 aules y un par de tutories, l'aula d'ordenadores, el xinasiu-polivalente-salón d'actos, la blibioteca y secretaría.
Al lláu ta'l polideportivu y l'antigua escuela hogar, onde ta'l comedor.

Nel colexu tenemos 1º, 2º, 3º d'Infantil; 1º, 2º, 3º, 4º, 5º, 6º de Primaria y tamién 1º y 2º de la ESO.

Como namás somos unos 40 neños y neñes, tamos distriubuíos por ciclos (anque n'algunes clases nos xuntamos):
Infantil:10 neños/es
1º y 2º: 12 escolinos/es .
3º y 4º: 10 escolines/os.
5º y 6º: 4 escolinos/es.
ESO: 4 escolines/os.

Tenemos munchos maestros: Alba, Silvia, Anabel, Juanjo, Pedro, Yolanda, Pilar , David, Conchi, Sandra y Mari, la directora.

Dempues de les clases y el comedor hai estraescolares pola tarde:
Glayu, informática, batuta, kárate, taller d'inglés, pintura, taller d'emprendedores, actividaes depotives, y xuegu llibre.

Carla Arias Álvarez. 10 años

Comments

Nel nuesu colexu celebróse l’amaguestu‘l 14 de payares de 2008.

Celebrámoslu comiendo castañas, que traximos los escolinos, ya bebiendo sidra, al son que baillamos ya cantamos canciones tradicionales.

Amas d’ello ficimos unos buñuelos ya un bizcochu que taban buenísimos, ayudáronnos un par de vecinas del concechu, esplicándonos como se facian.

El tema d’esti añu foi l’arte de teitar, apréndimos muitas cosas de como se teita, les partes qu'hai, les clases, etc. Ya como distintivu del amagüestu llevemos feixes(el conxuntu d’escoba que s’usa pa teitar).

Aroa Alonso Alonso. 11 años.

Comments

En Somiéu ta nevando que casi nun pasa un coche. Aconséyase un touterrenu o un coche con cadenas; con motos nun se pue pasar.

Sinón va tener que quedar en Somiéu tol iviernu. El Puertu de Somiéu ta piecháu, ya'l de San Lorenzu también por tola ñeve que ta cayendo.

Por culpa la ñeve tolos coches ya furgonetas derrapan muncho y los camiones que no puen pasar, queden travesaos nas carreteras.

Javier Fernándes Bessa. 11 años.

Comments