Las noticias dende'l FLÓREZ ESTRADA

Dende l'area de plástica tan faciéndose nel Colexu unos cuantos talleres y actividaes rellacionaes cola reutilización y l'aprovechamientu de les materies que tenemos en casa.

¿Con qué xugamos?--> L'alumnáu del segundu ciclu ficieron los sos propios xuguetes utilzando: caxes de cartón, fundes de cedés (CD), rollos d'hixénicu, pintures, pegamentu, envases de lleche y de yogures, y dalguna qu'otra cosuca. Eso sí nun faltó l'ayuda de dalguna mano amiga y voluntariosa en casa, ¿non?

Nun me val la camiseta ¿qué faigo con ella?--> Pues entamar a coser. Pa qué tirar la ropa vieyo si la podemos reutilizar... Bolses pa guardar coses, funda pa la flauta... con botones incluíos. Dende terceru a sestu paecemos filanderos.

Manes al papel--> reciclaxe y elaboración de papel manualmente. Envede tirar tolo que tenemos al contenedor azul; vimos, vivimos y elaboramos el nuesu propiu papel.

Alba Muñiz Barrial- XINERU 2009

El Nuberu ye un ser de la mitoloxía asturiana que tamién pue ser nomáu como Xuan Cabritu, al que se-y asocien dellos fenómenos meterolóxicos.

Suel representase como un ser d'aspeutu humanu mui feu: bocalón, enarcáu, dientes con grandes paletes y prietos, oreyes desabrochaes y güeyos rellumantes, a vegaes con barba y sombreru prietu.
Dizse que ye d’Exiptu, onde vive cola so familia nel altu un monte tapecíu pol borrín.

Esti ser viaxa coles ñubes y fai que descarguen rayos y xarazu qu'escentellen les tierres semaes. A vegaes tamién fai una borrina abondo espesa que fai que los pastores y vaqueiros piérdanse en monte.

Al Nuberu pue esconxuralu:
-un carru d’aviesu (del revés) o
-tocando les campanes d’ilesies y capilles.

Javier, Xineru 2009

Son un grupu d’animes que visiten a los moribundos poco antes de morrer. Suelen portar güesos prendios y n’ocasiones lleven un ataud nel cual llevarán el l’alma del futuru fallecíu.
La misión de la Güestia ye servir de porteadores del anima del futuru difuntu.

Aunque nun ye peligrosa, si un vivu por error o despiste s’atopa con ella y los toca, sufrirá la muerte’l tamién. Nestos casos suel escuchase-y rechinar:

"andai de día, que la nuechi ye mía"

Cuando ronda cerca de las huertas diz:

"cuando yéramos vivos, andábemos a figos,
y agora que tamos muertos, andemos por estos güertos
¡andar, andar, hasta el tueru la figar!"

Pa defendese de la güestia hai varies opciones:
-había que facer un círculu nel suelu y metese nél.
-Hai que rodear tres veces a la güestia, en completu silenciu y al terminar la última, echase a llorar amargamente.
-A falta de lo anterior tamién vale salir poniendo pies en polvorosa.

Alejandro. Xineru 2009

La guaxa ye un personaxe mitolóxicu. Ye una mujer mui vieya que peles nueites entra nes cases y chúpa-les el sangre a los neños col únicu colmillu que tien.
Ye una vieya seca ya arrugada, con unos güeyos en cuyo fondo paecen brillar chispes.
Naide sabe onde vivi la guaxa.

Lleenda:
Según fala la leenda, onde hai un neñu gordu, un mozu robustu o una mujer trabayadora ya fuerte; entra pela nueite, pel suañu; y col únicu diente que tien, ábreles una arteria ya chupa’l so sangre con delicia.

“Nun hai obstáculo pa ella: ellí per onde pasa l’aire, pasará ella tamién”.

Aroa. Xineru 2009

El Diañu Burllón ye de cuerpu menudu, metá humanu y metá cabritu, ye paecíu al Busgosu y los sos cuernos son pequeños y puntiagudos.
Normalmente nun suel ser dañín pa colos humanos. Adórenlu les bruxes del oriente y centru d’Asturies.

El diañu vive nos bosques asustando a la xente. Ye un bromista.

Gústale facer travesuras nes cuadres y nes caleyes de los bosques, diviértele muncho gastar bromes pesaes y pa ello cambia la so apariencia, yá que tien el don de poder transfomase en cualquier animal ya incluso nun nenu pequeñu.

Hai una lleenda na que se cuenta:
Un día que llovía muncho una aldeana atopa llorando na caleya a un cabritu y lu lleva a casa, calentándolu nel llar mientres ella se cambia y dándole de comer. A lo que’l ingratu responde, escapando pola ventana y gritando con risa burllona:
"Ajajá, que comí sopes;
ajajá, que te les comí;
ajajá, que ví un culu;
ajajá, que te lu ví"

Carla. Xineru 2009

la Pola Somiéu. 17 d'avientu.

Tolos cursos pal amagüestu, búscase un tema relacionáu cola zona, cola dómina y que-yos resulte cercano a los neños y neñes; pa facer y trabayar na quincena del amagüestu.

Esti añu, fízose sobre los teitos, les brañes: L'ARTE DE TEITAR, acción que se fai nesa época del añu (na Seronda).
Amás de toles actividaes, llibretos, maquetes, feixes y tarees feches poles escolines y escolinos, armóse una espoción con llibros, revistes, figures, materiales y demás cosuques rellacionaes col tema que fuimos topando y mos fueron emprestando.

Queden prometíes semeyes d'ella, pa que podais disfrutales.

TEITOS--> Son les cabañes nes que se resguarden los ganaderos nes zones altes de les montañes de Somiéu. Son típiques d'equi (tamién hai dalguna en Teberga). La so principal característica ye que tien el techu d'ESCOBA (un arbustu que se da na zona).

ALBA MUÑIZ BARRIAL

La Pola. 17 avientu.

Llevabemos una bona temporada entrenando, tanto con Pedro n’Educación Física, como con Hermes n’actividaes deportivas. Pero paez ser qu’el croos de Grao nun quier l.legar.

Diba ser el dia 28 de payares pero suspendióse por culpa la ñeve. Llueu decidieron facelu’l día 11 d’avientu, pero como paez qu’esti añu nun quier dexar de ñevar, tampoco se pudo.

Algún día l.legará, esperemos.

Alejandro Calzón Menéndez. 10 años

SOMIÉU 17-12-2008

Les series y películes que más nos prestan son.

Series: Los simpsons, Amar en tiempos revueltos, Victoria, Yo soi Bea, Shin Chan, Física ya Química.

Películes: Cuchi, El castigu, El nenu del pixama de rayas, El coríu feu, Charlie ya la fábrica de chocolate, Yérase una vez un cuentu al reves, Sherk 2, Madagascar, Madagascar 2.

Javier Fernándes Bessa. 11 años.

Somiéu. 17 d’avientu del 2008

El llunes non vinimos al colexu porque marchó la lluz ya facía muncho fríu. Tuvimos mui contentos porque pudimos enredar con tola ñeve qu'había caido.
El martes yá vinimos al colexu porque taba meyor (anque los compañeros de transporte nun pudieron baxar).
Güei yá ta quitándose la ñeve porque ta lloviendo.

El Puertu ta cerráu por la ñeve que cayó, solo había un carril pa pasar.
Nevó muncho nel Val.le, en Vil.lar de vildas ya en Valcárcel cayó una gran nevada tamién.

¡Esta selmana cayó la nevada que mas cubría dende fai tiempu! ¡El domingu nun paro de ñevar en tol día!

Carla Árias Alonso. 10 años.

La Pola. 17 d'avientu de 2008

El conceyu de Somiéu ta nel suroeste d'Asturies.

Dalgunos de los sos pueblos son: La Pola, El Val.le, El Puertu, La Riera, Santuyanu, Pigüeces, Vil.lar, Urría, Gua...

Ente los rios que nos conocemos tan: El Pigüeña, Pajarina, Las Oyas, El ríu Somiéu, El ríu d'Aguino, El Pigüeces, etc...

En breves atopareis crucigrama sobre la nuesa xeografía pa facer...

Aroa Alonso Alonso, 11 años.